|
||||||||
|
||
Sa magkasamang pagtataguyod ng Ministri ng Komersyo ng Tsina at China Media Group (CMG), pinasinayaan nitong Martes ng gabi, Setyembre 8, 2020 sa Qianmen pedestrian street ang "2020 National Consumption Promotion Month & Beijing Fashion Consumption Month."
Dumalo sa seremonya ng pagbubukas sina Zhong Shan, Ministro ng Komersyo ng Tsina, Shen Haixiong, Pangalawang Ministro ng Publisidad at Puno ng CMG, Chen Jining, Pangalawang Kalihim ng Munisipal at Alkalde ng Beijing, at iba pang mga opisyal ng Pambansang Komisyon ng Pag-unlad at Reporma, Tanggapan ng Konseho ng Estado sa Pagbibigay-tulong sa mga Mahihirap, at Pambansang Kawanihan ng Estadistika.
Bukod dito, magkakasamang itinaguyod ng 12 samahan at mga kinatawan mula sa sirkulo ng bahay-kalakal ang inisyatiba ng pagpigil at pagkontrol sa pandemiya, pagpapatupad ng pagtitipid, mapagkakatiwalaang negosyo, at pagbibigay-benepisyo sa mga mamamayan.
Tampok sa seremonya ang mga aktibidad bilang pagsisimula sa mga kaukulang gawain ng pagpapasulong ng konsumo. Inilabas din nito ang mga positibong signal na kinabibilangan ng walang tigil na pagtuklas ng bagong konsepto ng konsumo sa proseso ng pakikibaka laban sa pandemiya, pag-unlad ng inobasyon ng tradisyonal na konsumo, pagiging popular ng luntiang konsumo at pagtitipid, at komprehensibong pag-usbong ng merkado.
Layon ng naturang aktibidad na malalimang ipatupad ang estratehikong pagsasaayos ng Komite Sentral ng CPC at Konseho ng Estado para sa pagpapalawak ng pangangailangang panloob ng bansa at pagtatatag ng bagong kayariang pangkaunlaran.
Salin: Lito
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |