Hinggil sa CRIHinggil sa Serbisyo Filipino
   

Gabi ng Musika ika-7 2014

(GMT+08:00) 2014-03-07 15:30:11       CRI

February 16, 2014 (Sunday)

Magandang-magandang gabi. Ito ang inyong loving DJ para sa Gabi ng Musika atbp.

Honore de Balzac

Quote for the day: "A woman knows the face of the man she loves as a sailor knows the open sea."--Honore de Balzac

Kumusta na? Okey lang ba kayo riyan? Sana walang problema, ha? At kung may problema man, labanan ang problema. Huwag na huwag kayong magpapatalo sa problema. Kayang-kaya ninyo iyan.

Bukod sa mga piling awitin, tampok din sa programa ngayong gabi ang balik-aral ng salin sa wikang Tsino ng mga pangunahing sangkap ng pagkain, payo at kuru-kuro , at SMS, e-mail at snail mail mula sa mga tagapakinig. Lahat ng iyan, dito lang sa Gabi ng Musika atbp.

May nakilala akong kababayan noong isang araw. Nag-meet kami sa downtown dito sa Beijing. Sabi niya dati raw siyang nangangamuhan sa Singapore. Iniwan daw niya iyong amo niya after 2 years dahil sobra raw metikoloso, sobrang sungit at lagi daw gumagamit ng bad words kapag nagagalit. Ang amo raw niyang ito ay propesor sa isang pamantasan at mabait lang daw ito sa mga katulad niyang academician. Ang bago raw niyang amo ay isang Briton at maganda naman daw pakita nito sa kanya so far. Ang tinutukoy kong kababayan ay si Minerva ng Iloilo City.

Hinidi ko masisisi si Minerva sa kanyang desisyong iwanan iyong una niyang amo. Binigyan niya ang sarili niya ng two years para subukin kung makakaya niyang sakyan ang pag-uugali nito. Wala kang magagawa riyan, eh. At least sinubok niya.

Alam niyo, kung minsan--kung minsan, ha?--hindi rin nagbabago ang likas na pag-uugali ng isang tao kahit na siya ay nakapag-aral. Dapat sana, habang nadadagdagan ang kaalaman at karunungan niya, mas lalong gumaganda ang pag-uugali niya at mas lalong lumalawak ang pang-unawa niya. Siyempre, mas mataas ang pinag-aralan mo, mas alam mo na may pundamental na karapatan ang bawat tao at dapat mo siyang igalang sino man siya, di ba? Kaso hindi ito tumalab sa amo ni Minerva, kaya hayun iniwan niya. Anyway, mayroon na siyang bagong amo at sana makasundo niya ito at magtagal siya rito.

LOVING YOU
(SUPER GIRLS--Zhang Liangying)

Narinig ninyo ang Super Girls sa kanilang sariling version ng awiting "Loving You." Ang track na iyan ay lifted sa "Super Girls International Edition" album.

Kayo ay nakikinig sa himpilang China Radio International at sa programang Gabi ng Musika atbp. ng Serbisyo Filipino. Ito si Ramon Jr., ang inyong loving, ever loving DJ.

TEXT MESSAGES
(CIELO)

Punta naman tayo sa mga mensahe ng ating mga texters…

Sabi ni Naila Feria ng Connecticut, San Juan, Metro Manila: "Malaking bagay talaga ang disiplina, Kuya Ramon. Kung may disiplina mga tao , mas less ang social problems at cyempre iyan din ang sukatan ng pagiging sibilisado ng mga tao."

Sabi naman ni Maricar Mendoza ng Cebu City: "Belated greetings para sa Chinese New Year, Kuya Ramon. Alam ko nabati na kita noon pero babatiin pa rin kita. Sana lagi kang masaya at malayo sa mabibigat na problema."

Sabi naman ni Rolly ng Guadalupe, Makati City: "Binabakbakan pa rin kami rito ng ulan at bagyo, Ka Ramon. Hindi ko alam kung bakit paboritong paborito tayo ng bagyo. Ganyan ba kalaki atraso natin sa kalikasan?"

Sabi naman ni Joan Sy ng Sta. Cruz, Manila: "Thanks sa pagbasa mo ng mga sulat namin, Kuya Ramon. Cyempre mas enjoy kami kung nagri-reply ka. Pakiramdam namin mga V. I. P. kami, very important pig ba o parrot? Hehehe…"

Traffic, Problema Rin sa Beijing

Sabi naman ni Mitch ng Galas, Quezon City: "Talaga bang problema rin ngayon jan senyo ang traffic? Hindi ba malalapad mga kalye jan? Baka naman sobra dami ng private cars. Marami pa rin bang nagbibisikleta?"

Thank you so much sa inyong mga SMS.

TOUCH THE NIGHT
(NAN QUAN MAMA)

Nan Quan Mama sa kanilang awiting "Touch the Night," na hango sa album na pangalan ng grupo ang ginamit na pamagat.

Ngayon, punta naman tayo sa balik-aral ng mga natutuhan nating salin noong nakaraan. Narito ang walang kasing-gandang si Cielo.

TRANSLATION
(CIELO)

Okey ipagpatuloy natin ang ating ribyu ng natutuhan nating translation ng mga pangalan ng mga pangunahing gulay. Tingnan uli natin kung natatandaan pa natin ang translation ng kabute, mani, mais, sitsaro, labong, upo, kintsay, sitaw, kalabasa, repolyo, toge, abitsuwelas, kangkong at gisantes.

Ang kabute ay mogu, mogu; ang mani ay huasheng, huasheng; ang mais ay yumi, yumi; ang sitsaro ay helandou, helandou; ang labong ay sun, sun; ang upo ay hugua, hugua; ang repolyo ay juanxincai, juanxincai; ang toge ay lu douya, lu douya; ang abitsuwelas ay si ji dou, si ji dou; ang kangkong ay kong xin cai, kong xin cai; at ang gisantes ay qing dou, qing dou.

So, diyan nagtatapos ang ating ribyu sa gabing ito. Next week, mga pangalan naman ng paborito ninyong mga prutas ang susubukin nating i-translate, kaya huwag ninyong kalilimutang mag-tune in. Itong muli si Cielo. Until next time.

CAMEL BELL
(DAO LANG)

Iyan naman si Dao Lang sa kanyang awiting "Camel Bell," na buhat sa album na pinamagatang "The First Snow in 2002."

May maikling e-mail si Dr. George. Sabi: "Salamat sa New Year card, Ramon. Natutuwa ako kasi bihira na akong makatanggap ng ganitong card. Madalas kasi sa internet na ipinadadala ng mga kaibigan at mga kakilala iyong mga mensahe nila. Iba talaga kung nahahawakan mo iyong hard copy. Salamat uli.

At diyan nagtatapos ang edition sa araw na ito ng Gabi ng Musika atbp.

Para sa inyong mga reaction na may kinalaman sa programang ito at sa alinman sa mga programa ng Serbisyo Filipino, ang aming website ay filipino.cri.cn; ang e-mail, filipino_section@yahoo.com; ang facebook, crifilipinoservice@gmail.com; at ang telephone number, (Smart Buddy) 0921 257 2397.

Itong muli si Ramon Jr. Maraming-maraming salamat sa inyong walang-sawang pakikinig. God bless…

Balik sa aking blog>>

May Kinalamang Balita
gnm
v Gabi ng Musika ika-6 2014 2014-03-05 10:25:23
v Gabi ng Musika ika-5 2014 2014-02-14 14:44:57
v Gabi ng Musika ika-4 2014 2014-02-11 17:33:22
v Gabi ng Musika ika-3 2014 2014-01-23 18:02:08
v Gabi ng Musika ika-2 2014 2014-01-22 16:05:14
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>