Ani Valessa Jane Dulin leap of faith ang pagpunta niya sa Tsina . Sa dinami-dami ng pamantasan, pinili niyang mag-aral sa Beijing Normal University na nagbukas ng English program sa kauna-unahang pagkakataon. "Lord surpise me, guide me," panalangin ng tubong Sultan Kudarat na guro, dumating siya sa Beijing walang kakilala at walang masyadong alam tungkol sa Tsina. Marami siyang pinagdaanan, at sa tulong ng mga ito nagpapasalamat siyang napawi ang lahat ng duda sa sarili mas naging mature siya at nahanap ang makabuluhang direksyong tatahakin sa hinaharap.
Si Valessa, kasama ang mga kaeskwela mula sa ibat ibang bansa habang isinasagawa ang research apprentice class
Salu-salu na inihanda ng Higher Education Institute ng BNU para sa mga nagtapos
Mahilig magbyahe si Valessa at narating niya ang iba't ibang lunsod gaya ng Liaoning at Shenyang. Matapang dahil solo sa kanyang pamamasyal at gusto hangga't maari na lahat ay masubukan. Ito aniya ay mga karanasang di niya malilimutan sa kanyang pamumuhay sa Tsina.
Winter party sa unang taon ni Valessa Dulin sa Beijing
Matapos ang tatlong taon graduate na sa Beijing Normal University at may diploma sa Ph.D in Higher Education si Dr. Valessa Jane Dulin. Babalik siya sa Mindanao para ibahagi ang mga bagong kaalaman sa isang state university sa Region 12. May bago siyang misyon, sabi niya "I want to teach teachers how to teach. At gamitin ang edukasyong magmumulat sa mata."
Si Vessa Dulin kasama ang kanyang supervisor na si Hong Chengwen (3rd from the right) sa Graduation dinner ng BNU
Alamin ang iba pang mga karanasan ni Valessa Jane Dulin sa loob ng kanyang tatlong taong paninirahan sa Tsina sa interbyu ni Mac Ramos sa pekgramang Mga Pinoy sa Tsina.
