Hinggil sa CRIHinggil sa Serbisyo Filipino
   

Kunming Filcom

(GMT+08:00) 2015-08-12 16:15:49       CRI

Kung ihahambing sa Beijing o Shanghai, di hamak na mas kaunti ang bilang mga Pinoy sa Kunming. Pero ang kakaunti nilang bilang ang siya namang dahilan kung bakit magkakakilala at tunay na malapit sila sa isa't isa. Sa pagdalaw ng crew ng Mga Pinoy sa Tsina sa Kunming, saksi kami kung gaano kahigpit ng kanilang samahan nang kami ay maanyayahang dumalo sa isang pagtitipon-tipon para ipagdiwang ang Araw ng Kalayaan.

Sa kabuuan 18 taon nang naninirahan sa Tsina si Linda Pacuan. Labing-pitong taon dito ay inilagi niya sa Kunming. Noong 1998 wala siyang kakilalang Pilipino at ang Kunming noon ay talagang atrasado pa. Kwento niya ang mga bahay ay maliit. Sa mga kalye limitado ang bus at marami pang mga karitela na hila ng mola. Pero ngayon ayon kay Linda napaka moderno ng Kunming, nagtataasan ang mga gusali, napakaganda ng paliparan at handang makipagsabayan sa naglalakihang syudad ng Tsina. Kasabay ng pag-unlad nito dumami na rin ang mga Pilipinong nagtatrabaho dito. Simula 2010, matapos maging saklaw ng Konsulado ng Pilipinas sa Chongqing, nagkaroon ng pormal na tipon-tipon ang Filipino Community at isa ito sa kinasasabikang salu-salo ni Linda Pacuan. Aniya marami sa kanyang dayuhang kaibigan ang naiingit dahil sa tuwi-tuwina ay dumadalaw ang mga opisyal Pilipino para kamustahin ang kalagayan nila.

Si Mercy Annoque naman ay 14 na taon na sa Kunming. Bakit siya hiyang dito? Sagot niya dahil sa mabait na mga tao. Malapit siya sa mga minorya ng Yunnan at bahagi ng proyektong tumutulong sa pagpapabuti ng pamumuhay ng mga katutubo. Aniya, isang pribilehiyo ang makapag-lingkod sa kanila. Masayang-masaya si Mercy na makadalo sa pagtitipong inorganisa ng konsulado pagkakataon daw itong maibahagi sa kabataang Pinoy na ipinanganak sa Tsina na mas maunawaan ang kasaysayan ng bansa, maging ang kulturang Pilipino.

Bukod sa pagdiriwang ng Araw ng Kalayaan, mahalaga ang pakay ni Consul General Olivia Palala sa Kunming. Ito'y para ihatid ang mga programa at serbisyo ng gobyernong Pilipino sa FilCom Kunming. Higit sa lahat, ang pagpunta niya sa Kunming ay para dalawin din ang limang Pilipino na kasalukuyang nakakulong sa lunsod dala ng kaso sa droga.

Pakinggan ang buong panayam ni Mac Ramos sa programang Mga Pinoy sa Tsina.

Si Linda Pacuan

 

Si Mercy Annoque

Si Consul General Olivia Palala

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>