|
||||||||
|
||
melo/20130704.m4a
|
SINABI ni Pangalawang Pangulong Jejomar C. Binay na pinaghahanap na ng mga alagad ng National Bureau of Investigation at Philippine Drug Enforcement Agency ang mga sindikatong sangkot sa pangangalap at pagpapadala ng mga drug mule sa iba't ibang bansa.
Idinagdag ni G. Binay na ginagawa na ng mga ahensya ang paghahanap at nahuli na ang recruiter kamakailan.
Kinilala ang isang Mapet Cortez na may alias na Tita Cacayan na nag-recruit kay Sarah Ordinario-Villanueva, isa sa tatlong OFWs na binitay sa Tsina noong 2012 dahilan sa drug smuggling. Pinapaniwala umano ni Cortez si Ordinario-Villanueva na gamitin ang isang maletang walang laman na mayroon palang nakatagong apat na kilo ng heroina. Ginagawa nan g pamahalaan ang lahat upang pigilin ang mga Pilipinong mahulog sa bitag ng mga sindikato na pumasok sa illegal drug trade.
Karaniwang ruta ng mga drug mule ay Dubai at Hong Kong bago maglakbay patungo sa may Shanghai. Sa ibang bansa kinukuha ang droga, dagdag pa ni G. Binay.
© China Radio International.CRI. All Rights Reserved. 16A Shijingshan Road, Beijing, China. 100040 |