|
||||||||
|
||
CRI_July29.m4a
|
SA pagdalaw ni Nigerian Foreign Minister Olugbenga Ashiru sa Maynila at pakikipag-usap kay Kalihim Albert F. Del Rosario ng Kagawaran ng Ugnayang Panglabas, nakatitiyak ang dalawang bansa ng mas mainit na pagkakaibigan at pagtutulungan.
Kasama ni Minister Ashiru ang iba pang mga opisyal ng Nigerian Foreign Ministry sa pagdalaw sa tanggapan ni Kalihim del Rosario kanina. Napatuon ang pag-uusap sa economic cooperation, investment opportunities, pagpapayabong ng people-to-people interactions at paglaban sa transnational crimes partikular ang drug trafficking.
Ani Kalihim del Rosario, makakausap din ng Nigerian delegation ang mga mangangalakal na Pilipino sa larangan ng telecommunications, manufacturing at airline industries upang mapag-ibayo ang pagtutulungan at mapaganda ang kalakalan sa pagitan ng dalawang bansa. Pinag-aaralan din ng Pilipinas ang posibilidad ng pagbili ng krudo mula sa Nigeria.
Noong 2012, ikapito ang Nigeria sa mga bansa sa Africa na kakalakal ng Pilipinas. Isang malaking pamilihan ang Nigeria para sa mga makinarya, mga kemikal, mga gamit pangsasakyan, manufactured goods, pagkain at mga buhay na hayop.
Mayroong 174.5 milyong mamamayan sa Nigeria, ikalawa sa pinakamaunlad na bansa at tulad ng binaggit ng Goldman Sachs' na kabilang sa mga susunod na 11 mga ekonomiyang nararapat bantayan.
Idinagdag ni Kalihim del Rosario na malaki ang naia-ambag ng mga Pilipino sa kaunlaran ng Nigeria. Mayroong 7,200 mga Pilipino sa maunlad na bansang ito sa Africa.
© China Radio International.CRI. All Rights Reserved. 16A Shijingshan Road, Beijing, China. 100040 |