Kagawaran ng Ugnayang Panglabas, nagdiwang ng ika-115 taong pagkakatatag

PINAMUNUAN ni Kalihim Albert F. Del Rosario ang pagdiriwang ng ika-115 taong pagkakatatag ng Kagawaran ng Ugnayang Panglabas kasabay ng ika-149 na taong kapanganakan ng bayaning si Apolinario Mabini, ang unang pinuno ng kagawaran.

Sa kanyang talumpati, pinarangalan ni Kalihim del Rosario si Apolinario Mabini sa kakaibang talino at lakas ng loob na humarap sa mga hamon noong kanyang kapanahunan.

Ipinakita niya ang pagpapahalaga sa kalayaan na nakitang lumaban sa pananakop at nagpainit ng pagiging makabayan ng mga Pilipino. Sandigan umano ng foreign policy ni Kalihim Mabini ay ang kapangyarihan at kakayahang tumahak ng mga nilalayong landas ng mga Pilipino.

Ani G. del Rosario, sumaksi ang Pilipinas sa mga hamon sa kapayapaan at katatagan sa rehiyon. Nanindigan ang Kagawaran ng Ugnayang Panglabas batas sa dahilan at pagsusulong ng payapang pakikipagtalastasan sa pamamagitan ng konsultasyon at pagkilala sa pandaigdigang batas o international law.

Idinagdag pa ng kalihim na pinanindigan ng pamahalaan ang nasasakupan nito sapagkat ito'y karapatan ng mga mamamayang Pilipino. Nanindigan ang Pilipinas sa harap ng daigdig sa pagsusulong sa mga karapatan sa karagatan sa kanlurang bahagi ng Pilipinas. Ito rin ang dahilan kaya't humiling ang bansa ng arbitral proceedings sa ilalim ng UNCLOS.

Mula sa maritime security hanggang economic cooperation, mula sa counter-terrorism hanggang cultural exchanges, naisulong ng Pilipinas ang interes nito sa paglahok sa mga pandaigdigang pagtitipon at pagpupulong at nangunguna pa sa pagbuo ng mga nakatakdang pagpupulong.

SA taong 2015, ang pilipinas ang magiging abala sa Asia-Pacific Economic Cooperation at titiyakin ng ng Kagawaran na maging matagumpay ang pagtitipong ito.

Mula noong 2010, nakatulong na ang Kagawaran ng Ugnayang Panglabas sa may 31,000 mga Pilipinong problemado, kabilang na ang kanilang mga pamilya sa anumang kalagayan ng mga mamamayang nangailangan ng consular assistance, dagdag pa ni Kalihim del Rosario.