DALAWA pang bagong saksi ang humarap sa Senado kanina at kinilala sina Senate Minority Leader Juan Ponce Enrile at Senador Jose "Jinggoy" Estrada at Ramon Bong Revilla, Jr. ang nag-endorse ng kanilang Priority Development Assistance Fund (PDAF) sa mga non-government organizations na may koneksyon kay Janet Lim Napoles.
Pinangalanan ni dating National Agribusiness Corporation President Alan Javellana ang mga mambabatas na nagpadala ng kanilang mga pondo sa Social Development Program for Farmers Foundation, Inc., Magsasakang Ani para sa Magsasaka Foundation, Inc at People's Organization for Progress and Development Foundation. Ang tatlong ito'y kabilang sa walong NGOs na pakawala umano ni Napoles.
Idinagdag ni Javellana na bagama't idinaan sa NABCOR ni Senador Gregorio Honasan ang kanyang PDAF, hindi naman ito napunta sa mga NGO ni Napoles. Ipinatawag ng Senate Blue Ribbon Committee ang isang nagngangalang Rhodora Mendoza sa mungkahi ni Javellana. Kumpirmado rin ni Mendoza ang mga sinabi ni Javellana.
1 2 3 4 5