Delegasyon mula sa Pilipinas, dadalo sa APEC-Women and the Economy Forum sa Bali, Indonesia
ISANG delegasyong mula sa Kagawaran ng Kalakal at Industriya, Philippine Commission on Women at Women's Business Council Philippines, Inc. ang umalis na sa Maynila upang dumalo sa Asia-Pacific Economic Cooperation-Women and the Economy Forum sa Bali, Indonesia na magmumula ngayon hanggang sa LInggo.
Ayon kay DTI Undersecretary for Management Services Nora K. Terrado, umaasa siyang magkakaroon ng mga makabagong oportunidad sa nalalapit na Women and the Economy Forum sapagkat Pilipinas ang magiging punong-abala para sa gagawing APEC Summit sa 2015.
Ito ang ikatlong pagtitipon sa ilalim ng temang "Women as Economic Drivers" na sinimulan sa San Francisco, USA noong 2011 at sa St. Petersburg sa Russia noong 2012.
Ang APEC ay isang samahan ng 21 isang mga bansang na sa baybayin ng Dagat Pasipiko at kinabibilangan ng mga bansang Australia, Brunei Darusalam, Canada, Chile, People's Republic of China, Hong Kong, China, Indonesia, Japan, Republic of Korea, Malaysia, Mexico, New Zealand, Papua New Guinea, Peru, Pilipinas, Russian Federation, Chinese Taipei, Thailand, Estados Unidos at Viet Nam.
Na sa mga bansang ito ang 44% ng pandaigdigang kalakal na nagkakahalaga ng $ 18.6 trilyon, 40% ng mga mamamayan sa daigdig, 53% ng Gross Domestic Product sa ilalim ng purchasing power parity o $ 35.8 trilyon ayon sa datos ng APEC.
1 2 3 4 5
