|
||||||||
|
||
melo20131122.m4a
|
BUMABABA na ang bilang ng mga taong apektado ni "Yolanda" ayon sa pagsusuri ng pamahalaan at ng United Nations. Umabot na ang bilang sa 4.33 milyon ang itinuturing na "displaced persons." Kung umabot sa 5,040 ang evacuation centers noong nakalipas na linggo, may 1,546 na lamang ang bukas sapagkat mayroong 3.9 milyong katao ang naninirahan sa labas ng mga evacuation centers at maaaring nakalipat na sa Cebu at Metro Manila.
Nagsimula ng bumuhos ang shelter at non-food items sa TAcloban City samantalang hirap ang mga lumber at hardware na matugunan ang pangangailangan para sa housing materials. Tiniyak ng United Nations Office for the Coordination of Humanitarian Affairs na 16,000 pamilya ang nakatakdang tumanggap ng crop at horticulture production packages na napapanahon sa pagtatanim ngayon. Mahalagang tulungan ang mga magsasaki bago matapos ang panahon ng taniman sa buwan ng Enero. Prayoridad pa rin nila ang pagtulong sa mga mangingisda.
Nagagamit na ang mobile phones sa mga lalawigan ng Hilaga at Silangang Samar at Leyte.
Samantala, naglunsad ang World Health Organization at Kagawaran ng Kalusugan ng Pilipinas ng vaccination campaign upang maiwasan ang pagkakaroon ng tigdas at polio sa mga nakaligtas sa bagyong "Haiyan."
Ayon kay Dr. Julie Hall, ang kinatawan ng WHO sa Pilipinas, maraming mga bata ang wala o kulang sa bakuna ang namimiligrong magkaroon ng mga sakit na ito sa mataong mga pook. Idinagdag pa niyang maaaring makamatay ang tigdas o measles sa mga bata.
Target nila ang mga bata sa pinakamatinding tinamaan ng bagyo sa mga evacuation ceter at sa mga receiving center sa Cebu na pansamantalang pinagkanlungan ng mga biktima. Ang mga batang wala pa sa edad na limang taon ang binabakunahan laban sa polio at measles at binibigyan ng Vitamin A drops upang mapalakas ang kanilang immune systems.
Niliwanag ni Kalihim Enrique Ona na inilunsad muli ang pagbabakuna sa panahong kailangan ito.
May 20 volunteer nurses ang ikakalat sa Tacloban City upang tulungan ang mga tauhan ng City Health Office sa pagbabakuna.
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |