|
||||||||
|
||
140530melo.m4a
|
Gng. Janet Lim-Napoles, balik Fort Sto. Domingo na
NAIBALIK na sa Fort Sto. Domingo ang sinasabing utak ng "pork scam" Gng. Janet Lim Napoles matapos magpagaling sa Ospital ng Makati na kanyang kinalagyan mula noong ika-31 ng Marso.
Dumating siya sa kampo ng pulisya mga ika-sampu ng gabi kagabi matapos dumaan sa South Luzon Expressway. Ang Fort Sto. Domingo ang siyang pinagsasanayan ng mga kasapi ng Philippine National Police Special Action Force.
Naging mahigpit ang seguridad sa paglalakbay natapos siyang isakay sa isang kulay abuhing van mula sa Ospital ng Makati mga ika-siyam at kalahati ng gabi.
May limang patrol car ng pulisya at isang ambulansya na kasama sa convoy.
Magugunitang iniutos ng isang hukuman sa Makati na ibalik na ang sinasabing utak ng pork barrel scam sa kanyang dating kinalalagyan.
Sinabi ni C/Supt. Reuben Theodore Sindac na nilinis na ng pulisya ang selda ni Gng. Napoles. Pinasok na umano ng anay, ipis at iba pa ang kanyang detention cell.
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |