|
||||||||
|
||
140516melo.m4a
|
Hindi sapat ang talaan ni Napoles
HINDI sapat ang talaang isinumite ni Gng. Janet Lim Napoles bagama't inilabas na ni Senador Teofisto Guingona III ang talaan taliwas sa kahilingan ni Kalihim Leila de Lima na huwag munang ipamahagi sa mga mamamahayag ang nilalaman nito.
Idinagdag ng Kalihim ng Katarungan sa kanyang pahayag na inilabas sa media ngayong hapon na hindi ito (ang talaan) sapat sapagkat walang mga dokumento na susuporta sa talaan.
Ani ni Kalihim de Lima, malayo pa ito sa katotohanan sapagkat kailangan pa ng pagsisiyasat at pangangalap ng mga ebidensya tulad ng ginawa sa naunang reklamo kaya't nakarating sa Ombudsman.
Ipinaliwanag niyang kaya siya nanahimik ay upang magkaroon ng ibayong pagsusuri upang higit na matiyak ang katotohanan sa likod ng mga alegasyon.
Obligasyon umano ng Kagawaran ng Katarungan na palabasin ang katotohanan sa likod ng mga akusasyon at pahayag ng magkakabilang-panig. Mas makabubuti umanong maghintay ng kaunting panahon si Senador Guingona na matapos ni Gng. Napoles ang kanyang salaysay bago ito inilabas sa madla.
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |