|
||||||||
|
||
140912melo.mp3
|
Pilipinas, may sapat na programa laban sa terorismo
MAY SAPAT NA PROGRAMA ANG PILIPINAS. Ito ang reaksyon ng Pamahalaan ng Pilipinas sa pamamagitan ni Foreign Affairs Asst. Secretary Charles Jose hinggil sa travel advisory ng Tsina sa mga mamamayang ipagpaliban ang pagdalaw sa bansa dahilan sa malubhang situasyon. (File Photo/Melo M. Acuna)
INULIT ng Kagawaran ng Ugnayang Panglabas na mayroong kaukulang hakbang ang programang ipinatutupad ang Pilipinas upang maiwasan ang anumang peligro at mapigil ang anumang kaguluhan.
Sa isang pahayag, sinabi ni Asst. Secretary Charles Jose na tinitiyak nila sa mga kinatawan ng Tsina sa Pilipinas na mayroong ibayong pagsisiyasat sa grupo ng tatlo kataong nadakip sa insidente sa Ninoy Aquino International Airport Terminal III noong unang araw ng Setyembre.
Ito ang reaksyon ng Pamahalaang Pilipino sa travel advisory na inilabas ng Tsina sa mga mamamayan nitong huwag maglakbay sa Pilipinas matapos dukutin ng mga armado ang isang kabataang Tsino sa kanilang tindahan sa Mindanao.
Ayon sa lumabas na pahayag ng Chinese Foreign ministry na sila'y nababahala sapagkat kumpirmado ng mga pulis na may pagbabantang manalakay sa Embahada ng Tsina, mga kumpanyang Tsino at mga matataong pook tulad ng mga shopping mall.
Sa lubha umano ng situasyon sa Pilipinas, hiniling ng consular service ng foreign ministry ng Tsina sa mga mamamayang Tsino na huwag nang maglakbay sa Pilipinas ng pangsamantala.
Kahapon, isang 18-taong gulang na nagngangalang Li Peizhi ang dinukot ng mga armado sa bayan ng Kabasalan sa Zamboanga Sibugay.
Tinangay pa ng mga armado ng P 20,000 mula sa kaha ng tindahan. Natagpuan ang sasakyang ginamit ng mga armado may dalawang kilometro ang layo sa kabayanan.
Ayon kay Mayor George Cainglet, maaaring mga Abu Sayyaf nang dumukot sa isang Australianong si Warren Richard Rodwell noong 2011, ang nasa likod ng insidente. Wala pa namang ransom demand ang grupo.
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |