Pilipinas, may sapat na programa laban sa terorismo

Pangulong Aquino, dadalaw sa Francia

PAMAHALAAN NAKATUON SA REPORMA. Sinabi ni Pangulong Benigno Simeon C. Aquino III na nakatuon ang kanyang liderato sa reporma. Sa kanyang talumpati sa Malacanang kanina, sinabi niyang darating din ang panahon upang kilalanin ang kanyang magiging kandidato sa 2016. (Lauro Montellano, Jr./Malacanang Photo Bureau)

HIGIT na lalago ang relasyon ng Francia at Pilipinas sa pagdalaw ni Pangulong Benigno Simeon C. Aquino III sa paglalakbay sa Francia sa susunod na linggo.

Ayon sa Embahada ng Francia sa Maynila, darating si Pangulong Aquino sa Paris sa ika-17 ng Setyembre mula sa Brussels, Belgium at maglalakbay patungo sa Berlin, Germany sa ika-19 ng Setyembre.

Ito ang una niyang pagdalaw sa Francia mula ng mahalal ng pangulo noong 2010 at magiging kauna-unahang pagdalaw ng pangulo ng Pilipinas mula noong 1994.

Sampung cabinet secretaries at mga kinatawan ng private sector ang makakasama ni Pangulong Aquino. Sa kanyang pagdating sa Paris, bibigyan ng military honors si Pangulong Aquino sa Arc de Triomphe at magtutungo sa Elysée Palace upang makausap si French President François Hollande.

Sasaksi sila sa paglagda sa mga kasunduan sa larangan kultura, edukasyon, transportasyon, komunikasyon at iba pa.

Isang joint communiqué ang ibibigay sa harap ng mga mamamahayag sa susundan ng isang pananghalian sa karangalan ni Pangulong Aquino.

Magtutungo si Pangulong Aquino sa Hotel Matignon para sa bilateral talks kasama si French Prime Minister Manuel Valls.

Sa Huwebes, ika-18 ng Setyembre, pasisinayaan ni Pangulong Aquino ang Philippines-France Business Council sa Hotel Intercontinental na itinataguyod ng Mouvement des entreprises de France International at ng Department of Trade and Industry.

Magsasalita rin si Pangulong Aquino sa Institute Francais des relations internationals, isang think-tank na may tanggapan sa Paris. Inaasahang sasalubong sa Paris si French Ambassador to Manila Gilles Garachon.

Samantala, sa pagdalaw ni Pangulong Aquino sa Berlin, makakasama niya, sa kauna-unahang pagkakataon sa kasaysayan ng bansa, ang isang ambassador ng Pilipinas na hindi pa nakakapasa sa Commission on Appointments.

Ang paghirang kay Ambassador Melita Sta. Maria-Thomezeck ang nakabilang sa mga nabiting usapin sa paglayas ni Senador Mirian Defensor Santiago sa pagdinig ng Commission on Appointments.

Lumiham si Senador Santiago kay Senate President Franklin Drilon na paalalahanan naman ang mga kabilang sa komisyon na pumasok na maaga upang hindi magkaroon ng problema sa quorum.