Pangalawang Pangulong Binay, kakampi pa rin ni Pangulong Aquino
WALANG basehan ang pananaw ng ilang humiwalay na si Pangalawang Pangulong Jejomar C. Binay sa panig ni Pangulong Benigno Simeon C. Aquino III matapos ang maaanghang na pahayag sa ilang mga malalapit na tao ng pangulo.
Sa isang pahayag na inilabas ng tanggapan ng pangalawang pangulo, nananatiling malapit at tunay na kaibigan ng Pamilya Aquino si G. Binay. Ito ang sinabi ni Cavite Governor Jonvic Remulla, tagapagsalita ni G. Binay sa mga isyung may kinalaman sa politika.
Nagsimula ang mga espekulasyon ng paghiwalay matapos banatan ni G. Binay ang Kagawaran ng Katarungan sa pagtutuon ng pansin sa kanya at sa mga nasa oposyison samantalng bulag naman sa kaso nina Budget Secretary Florencio Abad at PNP Director General Alan Purisima na pawang akusado ng katiwalian.
Ipinaliwanag ni Remulla na ibinigay lamang ni G. Binay ang kanyang opinsyon bilang isang abogado sapagkat nagsalita siya sa pagtitipon ng Public Attorney's Office.
1 2 3 4 5 6
