|
||||||||
|
||
PTNT/20150601.m4a
|
Topic sa episode sa episode ng Pelikulang Tsino ang pagkakapanalo ni Hou Hsiao Hsien ng Best Director Award para sa pelikulang The Assassin sa katatapos lang na Cannes Film Festival. Ayon sa kritiko ang pelikula ay "undoubtedly the most gorgeous film at Cannes, nearly every image is breathtaking."
Tungkol saan ang The Assassin? Ang pelikula ay naganap sa panahon ng ika siyam na siglo sa Tsina sa pagtatapos ng Tang Dynasty. Bida ng pelikula si Shu Qi bilang female assassin na si Nie Yinniang . Pumalpak at nabigo siya sa pinakahuli niyang mission kaya para makabawi, kailangan siyang ibalik sa kanyang probinsya. Para makabawi kailangan niyang patayin ang ruler na si Lord Tian (Chang Chen), kaso ang taong ito ang kanyang one and only love.
So ang conflict ng movie --- Nie Yinniang must choose: sacrifice the man she loves, or forever leave the sacred way of the righteous assassins. Ang istilo ni Hou Hsiao Hsien sa The Assassin ay di nalalayo sa kanyang mga naunang mga pelikula na Millennium Mambo at The Puppetmaster. Sa kanyang acceptance speech sa Cannes, sinabi ng direktor "Mahirap gumawa ng pelikula at humanap ng pondo sa paggawa ng sine. Nais kong pasalamatan ang lahat ng crew at cast."
Ang administratibong pamahalaan ng Taiwan ay magbibigay ng 5 million New Taiwan Dollars (approximately USD163,980) dahil sa kanyang tagumpay sa film festival. Ipinahayag ng Ministri ng Kultura ang magandang balitang ito. At bukod sa cash reward si Hou at tatanggap din ing NTD500,000 (USD16.385) dahil siya ay napasali sa main competition ng Cannes.
Sa panayam tinanong ng media si Hou Hsiao Hsien kung ano ang dahilan kung bakit niya ginawa ang The Assassin, sagot ng direktor sa pananaw niya ang Tang Dynasty ay isang glamorous na panahon sa kasaysayang Tsino lalo na para sa mga kababaihan. Ang mga kababaihan sa panahong ito ay may mas mataas na estado kumpara sa mga kalalakihan. Kaya ayon sa direktor, mukhang interesante kung gagawa ako ng pelikula na ang setting at Tang Dynasty.
Ang The Assassin ang first martial art film ni Hou Hsiao Hsien.
Alamin ang iba pang detalye ng The Assassin mula sa programang Pelikulang Tsino Nood Tayo kasama ang mga moviebuddies na sina Mac, Andrea at Sarah.
Si Hou Hsiao Hsien
Si Shu Qi
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |