|
||||||||
|
||
DAHIL sapat ang pagkain, mas mababa ang presyo ng kuryente at gasolina, bumaba ang inflation sa pinakamababang antas sa loob ng 20 taon. Gumaan din ang headline inflation mula sa 2.2% noong umabot sa 1.6 ayon sa National Economic and Development Authority.
Ayon kay NEDA Deputy Director General Rolando G. Tungpalan, sa paggamit ng current base year na 2006, ang May 2015 inflation rate ang siyang pinaka mababa sa inflation series mula noong 1995 hanggang sa nakalipas na Mayo 2015. Hindi ito ang inaasahan ng pamilihan na 2.0%.
Idinagdag niya na ibinalita ng Philippine Statistics Authority na ang inflation sa food subgroup ay gumaan noong Mayo 2015 at umabot sa 3.2% mula sa 4.0%.
Isang dahilan ang hindi paggalaw ng presyo ng bigas samantalang lumago ng 16.5 % kung ihahambing sa natamo noong nakalipas na taon. Maganda rin ang supply ng isda kaya't matatag ang presyo nito. Maganda rin ang supply ng mga prutas sa pamilihan.
May bahagyang paggalaw sa presyo ng karne, ayon pa sa pahayag ng NEDA.
© China Radio International.CRI. All Rights Reserved. 16A Shijingshan Road, Beijing, China. 100040 |