|
||||||||
|
||
Simbahan, mangangalap ng isang milyong lagda laban sa coal-fired power plant
UMAASA si Fr. Edwin Gariguez, executive secretary ng CBCP-National Secretariat of Social Action, Justice and Peace na makakalikom ng isang milyong lagda upang hadlangan ang mga itatayong coal-powered power plants sa bansa.
Kasama sa kampanya ang Philippine Movement for Climate Change ay umaasang pakikinggan sila ng pamahalaanna patutunayan ang pangakong hahadlangan ang climate change at maibsan ang panganib mula sa mga kalamidad.
Bagama't ginagamit na dahilan ang pagkakaroon ng sapat na kuryente, mas mataas na malilikom na buwis at kaunalran, ang pamahalaan at mga multi-national coal companies ang nagbubukas naman ng pagkakataon sa Pilipinas na magiging aktibong bansang makasasama sa klima ng daigdig.
Nauunawaan ni Fr. Gariguez ang papel ng pamahalaan na patatagin ang supply ng kuryente subalit lumalabas na walang pagpapahalaga sa kalikasan at kalusugan ng mga mamamayan. Prueba na umano ang hagupit na idinulot ni "Yolanda" noong 2013.
Ayon sa datos ngPhilippine Movement for Climate Change, may 26 na planta ng kuryenteng umaasa sa uling ang mapaaandar ng taong 2020.
Kabilang dito ang 1,200 megawatt na Atimonan One Energy Power plant extension project na itatayo sa Atinoman. Ito ang ikatlong proyektong napasok sa Quezon Province. Una ang Mauban Coal Plant at ang Pagbilao coal plant.
© China Radio International.CRI. All Rights Reserved. 16A Shijingshan Road, Beijing, China. 100040 |