|
||||||||
|
||
Mga magsasaka ng palay, pinayuhan sa paggamit ng tubig
NANAWAGAN ang pamahalaan sa mga magsasaka na maging masinop sa paggamit ng tubig sa kanilang mga halamang palay. Ito ay dahilan sa El Nino.
Kahit pa isang uri ng halamang nakasalalay sa tubig, kailangang maging maingat sa paggamit nito lalo pa't natutuyo na ang ilang bahagi ng bansa.
Ang lowland rice ay nangangailangan ng maraming tubig. Ayon sa pananaliksik ng Department of Agriculture at PhilRice, umaabot na 1,432 litro ng tubig ang nagagamit upang magkaroon ng isang kilong bigas sa isang palayang may patubig.
Mahihirapan ang palay kung magkukulang ang tubig. Kailangang magkaroon ng water management technologies na binuo ng PhilRice. Mayroong dalawang uri ng technolohiya sa paggamit ng tubig.
Ayon kay Engr. Evangeline Sibayan, supervising science research specialist sa Rice Engineering and Mechanization Division, ang alternate wet and drying method ay isang epektibong gabay sa mga magsasaka kung kalian patutubigan ang palayan.
Ayon sa dalubhasa, hindi dapat mabahala ang mga magsasaka sa oras na makakita ng mga bitak sa kanilang lupain sapagkat sa kanilang AWD method matitiyak na may sapat na tubig sa ugat ng pananim. Ang AWD o controlled irrigation ay kakaiba sa karaniwang pagpapabaha ng palayan.
© China Radio International.CRI. All Rights Reserved. 16A Shijingshan Road, Beijing, China. 100040 |