SINABI ni Pangalawang Pangulong Leni Gerona Robredo na wala siyang balak tumakbo sa panguluhan sa susunod na halalan sa 2022. Ito ang kanyang sinabi sa panayam sa palatuntunan ni Mike Enriquez sa DZBB kaninang umaga.
Sa tanong kung haharapan siya ng limang milyong lagda na mananawagan sa kanyang tumakbo, sinabi niyang hindi sasapat ang limang milyon upang magwagi sa halalan. Magugunitang umabot sa 16 na milyong boto ang nakamtan ni Pangulong Rodrigo Duterte.
Niliwanag din ng pangalawang pangulo na sa abot ng kanyang makakaya ay mayroong mga programa para sa mahihirap at mga nangangailangan ng tulong. Nagkataong nasa laylayan sa ng pamahalaan tulad ng mga nangangailangan ng tulong.
Wala pa umanong takdang panahon ang kanilang hapunan ni Pangulong Duterte na binanggit sa kanya noong nakalipas na graduation rites sa Philippine National Police Academy ilang buwan na ang nakalilipas.
Walang nakikitang masama si Gng. Robredo sa pakikipagkaibigan sa mga kalapit bansa tulad ng Tsina sapagkat maayos at payapa ang kapaligiran subalit kailangan umanong igalang ng mga bansa ang nasasakupan ng kani—kanilang kalapit bansa.
1 2 3 4 
