|
||||||||
|
||
Matagal ng mithing pension ng mga retiradong public attorney, naibigay din
NAGPASALAMAT si Chief Public Attorney Persida V. Rueda Acosta sa mga hukumang pumabor sa kanilang petisyon na bigyan ng marapat na pension ang mga abogadong nagretiro, nagkasakit at namatay ng kapantay ng mga nasa National Prosecution Service.
Umabot sa 54 na abogado ang tumanggap ng kanilang mga retirement pay sa pangunguna ni Director Renato T. Cabrido na tumanggap ng pinakamalaking kabayarang umabot sa higit sa P 5 milyon at isang daang libong piso. Nakinabang sa higit sa P 178 milyon ang kabuuhang halaga.
Nagpasalamat si Atty. Rueda-Acosta kay Pangulong Rodrigo Duterte at kay Justice Secretary Vitaliano Aguirre II na lumiham kay Budget Secretary Benjamin Diokno na nagsabing madaliin na ang kabayaran ng mga abogadong naglingkod sa Public Attorneys' Office.
Sa ganitong kalakaran, mas maraming maglilingkod sa Public Attorneys' Office at hindi na lilipat sa Prosecution Service at iba pang tanggapan ng pamahalaan.
May pito pang nagretiro na tatanggap ng kanilang retirement benefits sa mga susunod na araw. Nakatulong din si Senador Loren Legarda sa pagbuo ng batas upang mabigyan ng maayos na retirement benefits sa mga abogado ng PAO.
Tumigil ng halos na 10 buwan ang pagdinig sa petisyon na nauwi sa desisyong pumabor sa Public Attorney's Office.
Ibinalita rin ni Atty. Acosta na nagwagi ang Public Attorneys' Office at Civil Service Commission sa usapin laban sa Career Executive Service Board na nakarating sa Korte Suprema. Sa desisyon, hindi na kailangang sumailalim pa sa Career Executive Service ang mga opisyal ng Public Attorneys' Office.
© China Radio International.CRI. All Rights Reserved. 16A Shijingshan Road, Beijing, China. 100040 |