|
||||||||
|
||
Tauhan ng Abu Sayyaf, napaslang, mga sandata, nabawi
ISANG kasapi ng Abu Sayyaf ang napaslang samantalang nakabawi ang pamahalaan ng dalawang high-powered firearms sa Basilan kaninang umaga.
Nagkasagupa ang mga tauhan ng 18th Infantry battalion at mga Abu Sayyaf sa ilalim ni Nawapi Abdulsaid sa Barangay Bohe Pahu sa Ungkaya Pukan, Basilan bago sumapit ang ikapito ng umaga.
Ayon sa balita mula AFP Western Mindanao Command, isang M79 rifle at isang carbine ang nabawi. Mayroon ding nakuhang shabu.
Ayon kay Col. Juvymax Uy, commander ng Joint Task Force Basilan, nagpapatrolya ang mga kawal at pinaputukan ng mga Abu Sayyaf. Idinagdag pa ni Col. Uy na patunay lamang na gumagamit ng droga ang mga Abu Sayyaf.
Apat sa mga kawal ang nasugatan. Tuloy pa rin ang operasyon laban sa mga Abu Sayyaf. Bago sumapit ang ikapito at kalahati ng umaga, nabawi ng mga kawal ang apat na sugatan. Dinala sila ng helicopter patungong Zamboanga City upang magamot kaagad.
© China Radio International.CRI. All Rights Reserved. 16A Shijingshan Road, Beijing, China. 100040 |