|
||||||||
|
||
May 43 libong Pinoy, 'di nakaalis ng bansa
HIGIT sa 43,000 mga Filipino ang 'di nakalabas ng bansa noong 2016 sa hindi pagkakakumpleto ng requirements para sa mga maglalakbay na turista.
Ayon sa Bureau of Immigration, hindi pinayagan ng iba't ibang immigration officers ang may 43,233 maglalakbay bilang mga turista. Wala umanong mga dokumentong magpapakaita na may kakayahan silang magbakasyon sa labas ng bansa.
Kung nagpapakilalang dadalaw sa mga kamag-anak kailangang magpakita ng dokumento o prueba na may kamag-anak nga sa labas ng bansa.
Idinagdag pa ng Bureau of Immigration na 502 pasahero na pinaniniwalaang biktima ng human trafficking at ipinadala na sa Inter-Agency Council Against Trafficking. May 90% ng off-loaded passengers ay dumaan sa Ninoy Aquino International Airport. Ang nalalabi ay mula sa Mactan, Clark, Kalibo. Zamboanga, Davao at Iloilo.
© China Radio International.CRI. All Rights Reserved. 16A Shijingshan Road, Beijing, China. 100040 |