Retiradong kawal at iba pa nadakip sa Metro Manila
NARARAPAT managot ang mga may kasalanan. Ito naman ang sinabi ni Police Director Oscar Albayalde ng National Capital Region Police Office sa pagsasabing pananagutin ang mga nagpaputok ng baril ng walang sapat na dahilan.
Nadakip ng mga autoridad ang isang retiradong sarhento ng Philippine Army, isang aktibong kawal ng Philippine Army na nakatalaga sa Special Operations Command ng Presidential Security Group. Kakasuhan sila ng indiscriminate firing, alarm and scandal, illegal possession of firearms and ammunitions at physical injury, direct assault, resisting arrest at iba pa. Natagpuan sa kanilang pag-iingat ang dalawang kalibre 45 pistola, isang 9 mm pistol at isang kalibre .38 revolver.
Isang kapitbahay ng dalawa ang nagsumbong na tinamaan siya ng balang mula sa dalawang armado.
Sa Caloocan City, isang armado rin ang nadakip matapos masangkot sa isang pamamaril.
1 2 3 4