Amb. Jimi: Pagkikita ng dalawang pangulo, nagpapalawig ng relasyong Pilipino-Sino

“Mismong natuloy iyong bisitang iyon ay isa nang napakagandang nangyari. Kasi, isipin mo, noong panahong iyon, may pandemiya pa dito. Maraming mga balakid na parang pumipigil doon sa bisitang iyon. Pero, dahil napakaimportante ng ating relasyon sa Tsina, dahil malaki ang importansya na binibigay ng ating pangulo at ng ating administrasyon sa relasyon ng Pilipinas sa Tsina, kaya, kahit papaano ay itinuloy.”

 

Ito ang sinabi ni Jaime “Ka Jimi” FlorCruz, Embahador ng Pilipinas sa Tsina kaugnay ng dalaw pang-estado sa Tsina ni Pangulong Ferdinand “Bongbong” R. Marcos Jr. nitong nagdaang Enero, sa eksklusibong panayam sa Serbisyo Filipino, China Media Group (SF-CMG), Marso 3, 2023.

 

Mahalaga aniyang nagkita at nagkaroon ng personal na interaksyon ang mga pangulo ng Pilipinas at Tsina, upang maghanap ng mga tangible benefits para sa mga mamamayan ng dalawang bansa.

 

Ang pagdalaw ni Pangulong Marcos Jr. sa Tsina ay nagbunga ng 14 na kasunduang pangkooperasyon.

Kaugnay nito, sinabi ni Embahador FlorCruz na “Iyon talagang solid na proyekto na puwede nating sabihin, ito ang makikita natin, ang makukuha natin, kung mapapalawig natin ang relasyon ng dalawang bansa. Ang trabaho natin ngayon ay kung paano natin isusulong iyong 14 na agreement para maging katotohanan.”

 

 

Ulat: Kulas

Patnugot sa website: Kulas

Mga tanong: Sissi/Kulas/Jade

Panayam: Rhio

Cameramen: Deng Botao/Zhao Zhiqiang/Gong Ziyang

Light: Han Peng

Audio: Yang Guohui

Patnugot sa video: Qin Lei/Kulas/Jade

Transcription at pagsalin sa panayam: Sissi/Kulas/Jade

Espesyal na pasasalamat kina Liang Shuang, Tai Linzhen, Yuanqi