Chang'e-5 probe, nakuha ang mga sample sa ilalim ng Buwan

Ayon sa China National Space Administration (CNSA), pagkaraang lumapag kahapon ng hatinggabi sa near side ng Buwan ang lander at ascender ng Chang'e-5 probe, nakolekta kaninang madaling araw, Miyerkules, ika-2 ng Disyembre 2020, ng lander ang mga sample ng lupa at bato sa hinukay na bahagi ng Buwan.

 

 

Sa kasalukuyan, kinukuha ng lander ang mas marami pang sample sa ibabaw o surface ng Buwan sa pamamagitan ng mga robotic arm. Ang lahat ng sample na magtitimbang ng 2 kilo ay ilalagay sa selyadong lalagyan, at isasakay sa ascender.

 

Pagkatapos, lilipad ang ascender sa lunar orbit, at dadaong sa orbiter ng Chang'e-5. Ililipat ang mga sample sa returner, para dalhin ang mga ito pabalik sa Mundo, para sa pananaliksik.

 

Salin: Liu Kai