5 COVID-19 vaccine ng Tsina, sumasailalim sa phase III clinical trial

Sa isang panayam kamakailan, sinabi ni Zheng Zhongwei, Direktor ng Sentro ng Pananaliksik sa Siyensiya’t Teknolohiya ng Medisina at Kalusugan ng Pambansang Komisyong Pangkalusugan ng Tsina, na sa kasalukuyan, 5 bakuna ng Tsina kontra Corona Virus Disease 2019 (COVID-19) ang sumasailalim sa phase III clinical trial -  isang masusing yugto ng  pagsubok-yari tungo sa pinal na bersyon ng bakuna.

 

Aniya, nasa unang hanay sa buong daigdig ang Tsina sa aspekto ng pagsubok-yari ng bakuna.

 

Sinabi ni Zheng na sa proseso ng pagtasa ng bakuna, kinakailangan ang maraming index na kinabibilangan pangunahin na, kaligtasan, epektibidad, aksesibilidad, at abot-kayang presyo.

 

Sa kasalukuyan, handa na ang Tsina para sa malawakang pagpoprodyus ng mga bakuna, dagdag pa niya.

 

Salin: Lito

Pulido: Rhio