Mga Panuglong Tsino at Lao, nag-usap; relasyong Sino-Lao, isusulong

Sa kanyang pakikipag-usap sa telepuno nitong Martes, Disyembre 22, 2020 kay Pangulong Boungnang Volachith ng Laos, ipinahayag ni Pangulong Xi Jinping ng Tsina na nitong ilang taong nakalipas, aktibong isinusulong ng dalawang bansa ang konstruksyon ng komunidad ng pinagbabahaginang kapalaran ng Tsina at Laos, bagay na nagpasimula ng bagong panahon ng relasyong Sino-Lao.

 

Ani Xi, nakahanda ang panig Tsino na magsikap kasama ng panig Lao para mapasulong pa ang konstruksyon ng komunidad ng pinagbabahaginang kapalaran ng dalawang bansa at makapaghatid ng mas malaking benepisyo sa kanilang mga mamamayan.

 

Pinasalamatan naman ni Boungnang Volachith ang agarang ibinigay na pagkatig at tulong ng partido, pamahalaan, at mga mamamayang Tsino sa Laos sa pagtuklas ng pandemiya ng COVID-19 sa bansang ito.

 

Ipinaabot din niya ang taos-pusong pagbati sa natamong napakalaking tagumpay ng panig Tsino sa aspekto ng pakikibaka laban sa pandemiya at pagpawi sa karalitaan.

 

Salin: Lito