5 bansang Aprikano, unang bibisitahin ni Wang Yi sa bagong taon; Tsina, palagiang pinahahalagahan ang relasyon sa Aprika

Mula Enero 4 hanggang 9, 2021, dadalaw si Wang Yi, Kasangguni ng Estado at Ministrong Panlabas ng Tsina, sa Nigeria, Republika ng Congo, Botswana, Tanzania, at Seychelles.

 

Kaugnay nito, sa kanyang panayam ng China Media Group (CMG), ipinahayag ni Liu Guijin, dating Embahador ng Tsina sa Timog Aprika, at unang espesyal na kinatawan ng pamahalaang Tsino sa mga suliraning Aprikano, na sa kalagayan ng pananalasa ng Corona Virus Disease 2019 (COVID-19), ang paggigiit ng Tsina sa direktang pakikipagkoordinahan at pakikipagsanggunian sa mga bansang Aprikano ay hindi lamang nagpapakita ng katapatan at damdamin nito sa Aprika, kundi ang palagiang pagpapahalaga ng Tsina sa Aprika at relasyong Sino-Aprikano.

 

Mula noong 1991, iginigiit aniya ng Ministring Panlabas ng Tsina ang tradisyon ng unang pagdalaw sa Aprika sa bawat taon.

 

Sa taong ito, magpapatuloy ang tradisyong ito, dagdag niya.

 

Salin: Lito

Pulido: Rhio