WHO mission at panig Tsino, nagkaisa ng palagay hinggil sa mga gawain sa susunod na hakbang: bukas, maliwanag at responsableng atityud, patuloy na gagawin ng Tsina

Sinabi nitong Linggo, Enero 31, 2021 sa Beijing ni Mi Feng, Tagapagsalita ng Pambansang Komisyon ng Kalusugan ng Tsina, na pagkaraang alisin ang kuwarentenas sa mga daluhasa ng World Health Organization (WHO), bumisita sila sa ilang pook ng Wuhan na kinabibilangan ng Wuhan Jinyintan Hospital.
 

Aniya, nagkaisa ng palagay ang panig Tsino at WHO mission, ukol sa iskedyul ng mga gawain sa susunod na hakbang.
 

Dagdag niya, igigiit ng panig Tsino, tulad ng dati, ang bukas, maliwanag at responsableng atityud, at patuloy na pananatilihin ang kooperasyon sa WHO, upang gawin ang ambag sa mas mainam na pagpigil sa mga nakatagong panganib sa hinaharap, at pangangalaga sa buhay, seguridad at kalusugan ng mga mamamayan ng iba’t ibang bansa.
 

Salin: Vera