Mga bakunang bigay ng Tsina, nakatakdang dumating ng Pilipinas bukas ng hapon

Ayon sa nakatakdang iskedyul, darating 5:10PM, bukas, Linggo, ika-28 ng Pebrero 2021, ng Villamor Airbase sa Pasay City, ang 600,000 dosis na bakuna kontra Coronavirus Disease 2019 (COVID-19), na bigay ng pamahalaang Tsino sa Pilipinas, at gawa ng Sinovac Biotech Ltd. ng Tsina.

 

Idaraos sa paliparan ang seremonya ng paghahandog ng mga bakuna, na sasaksihan nina Pangulong Rodrigo Duterte, ilang miyembro ng kanyang gabinete, Huang Xilian, Embahador ng Tsina sa Pilipinas, at ibang mga opisyal ng embahada.

 

Magbibigay din ng mensahe sina Pangulong Duterte at Embahador Huang.

 

Pagkaraan nito, ihahatid ang mga bakuna sa mga storage facility ng Kagawaran ng Kalusugan.

 

Editor: Liu Kai