Higit 6%, target ng paglaki ng GDP ng Tsina sa 2021— Premyer Li

Ayon kay Premyer Li Keqiang ng Tsina sa kanyang sa government work report na inilahad sa seremonya ng pagbubukas ng ika-4 na sesyon ng Ika-13 Pambansang Kongresong Bayan (NPC) ng Tsina, sa kasalukuyang taon, nahaharap pa rin sa maraming panganib at hamon ang pag-unlad ng bansa, pero hindi nagbabago ang pundamental na tunguhin ng pagbuti ng kabuhayan sa pangmalayuang pananaw.

Saad ni Li, 6% pataas ang inaasahang target ng paglago ng Gross Domestic Product (GDP) ng bansa sa 2021.
 

Dagdag niya, ito ay alang-alang sa kalagayan ng pagpapanumbalik ng takbo ng kabuhayan. Makakabuti ito sa pagpapaibayo ng iba’t ibang panig ng reporma’t inobasyon, at pagpapasulong sa de-kalidad na pag-unlad.
 

Bukod sa paglago ng kabuhayan, ang mga pangunahing pagtaya sa pag-unlad ng Tsina sa taong ito ay kinabibilangan ng lampas sa 11 milyong  bagong  hanap-buhay sa mga lunsod at bayan, humigit-kumulang 3% pagtaas ng Consumer Price Index (CPI), at mga 3% pagbaba ng energy consumption per GDP unit.
 

Salin: Vera