Bayani sa malubhang baha sa Zhengzhou

Kilalanin natin ang ilang bayaning nagligtas ng maraming tao sa gitna ng malubhang bahang dulot ng napakalakas na ulan kamakailan sa Zhengzhou, lunsod sa gitna ng Tsina.

 

 

Si Yang Junkui ay online ride-hailing driver at retiradong sundalo. Iniligtas niya ang limang tao mula sa mga kotseng inanod ng tubig-baha sa loob ng isang tunel. Nasugatan siya sa kanyang mga binti.

 

 

Si Yu Yifei ay internong medikal. Siya ay isa sa mga taong maagang nailigtas mula sa isang nabahang subway station. Pero, nang malampasan ang peligro, nagsuot siya ng puting uniporme, at bumalik sa istasyon para tumulong sa pagliligtas ng iba. Mula alas-6 ng gabi hanggang alas-12 ng hatinggabi, walang tigil siyang gumawa ng artificial respiration at cardiopulmonary resuscitation para sa ibang mga nailigtas. Dahil matagal na nakaluhod, bugbog ang kanyang tuhod.

 

 

Si Wang Xichao ay 45-taong gulang na magsasaka. Sa daang pabalik ng bahay, nakita niya ang dalawang bata at isang babaeng nabaon sa makapal na putik at tubig-baha, at tanging mga ulo lang nila ang makikita. Sa kabila ng panganib na mabaon din ang sarili sa butas, matagumpay na nailigtas ni Wang ang naturang tatlong tao.

 

Editor: Liu Kai
Pulido: Mac Ramos