Taliban sa komunidad ng daigdig: kailangan ng Afghanistan ang tulong

2021-09-15 15:26:53  CMG
Share with:

Setyembre 14, 2021, Kabul – Pinasalamatan ni Amir Khan Muttaqi, Ministrong Panlabas ng Pansamantalang Pamahalaan ng Afghan Taliban, ang tulong na ipinagkaloob ng komunidad ng daigdig para sa Afghanistan.

Taliban sa komunidad ng daigdig: kailangan ng Afghanistan ang tulong_fororder_02taliban

Aniya, kailangan ng mga Afghan ang tulong, at hindi ito dapat i-ugnay sa isyung pulitikal.

 

Ang nasabing tulong ay nakatuon sa mga larangang gaya ng edukasyon, kalusugan, refugee at iba pa.

 

Hinggil dito, nanawagan si Muttaqi sa komunidad ng daigdig, na patuloy na magkaloob ng ayuda para sa mga Afghan.

 

Umaasa rin siyang babalik sa Afghanistan ang mga tauhang dayuhan upang mag-ambag ng kanilang kakayahan tungo sa pagpapabuti ng kalagayan sa bansa.

 

“Wala nang digmaan at alitan sa Afghanistan ngayon,” sabi ni Muttaqi, at ipinangako niya ang kaligtasan ng lahat ng tauhang dayuhang nasa bansa.

 

Samantala, sa Mataas na Pulong Ministeryal kaugnay ng kalagayan ng Afghanistan na idinaos ng United Nations (UN) Setyembre 13, 2021, sa Geneva, ipinanawagan ni Antonio Guterres, Pangkalahatang Kalihim ng UN sa komunidad ng daigdig na tulungan ang Afghanistan para makahulagpos sa kahirapan.

 

Ayon sa ulat, ipinangako ng iba’t-ibang panig na magkakaloob ng makataong tulong na nagkakahalaga ng mahigit 1 bilyong dolyares.

 

Salin:Sarah

Pulido:Rhio

Please select the login method