Sa regular na preskon, inulit kahapon ni Yang Yujun, tagapagsalita ng Ministri ng Tanggulang Bansa ng Tsina (MND) na buong-tatag na tinututulan ng Mainland Tsina ang pagbebenta ng Estados Unidos ng mga sandata sa Taiwan.
Ipinahayag ni Yang na ang isyu ng pagbebenta ng sandata sa Taiwan ay isang mahalagang hadlang sa pag-unlad ng relasyong Sino-Amerikano.
Aniya, ang isyu ng Taiwan ay may kinalaman sa kabuuan ng teritoryo at soberanya at ng Tsina, ito ay nukleong interes ng bansa. Umaasa aniya ang Tsina na susundin ng Amerika ang prinsipyong nakapaloob sa tatlong magkasanib na kumunike na nilagdaan ng dalawang bansa, lalung-lalo na ang kumunike na nilagda noong ika-17 ng Agosto, 1982, para itigil ang pagbebenta ng sandata sa Taiwan.
salin:wle