Tinukoy kahapon sa website ng Ministring Panlabas ng Rusya, na nalabag kahapon ng madaling araw ang komunike na nilagdaan ng Rusya, Amerika, Europa, at Ukraine, dahil nasugatan at namatay ang mga inosenteng sibilyan sa Slavyansk dahil sa pagsalakay ng mga sandatahang tauhan mula sa "Right Sector." Ayon pa sa nasabing ministri, kinamumuhian ito ng Rusya.
Ayon sa balita ng panig Ukrainian, naganap sa Slavyansk ang pagpapalitan ng putok. Tatlong tagasunod ng "Donetsk People's Republic" ang namatay, at tatlong iba pa ang nasugatan. Hindi pa alam ang bilang ng kasuwalti sa panig ng sumalakay.
Salin: Andrea