|
||||||||
|
||
Hanggang alas-7 kagabi, 615 na ang naitalang patay, apat na araw makaraang maganap ang lindol sa Ludian County, Zhaotong City sa probinsiyang Yunnan, sa dakong timog-kanluran ng Tsina. Kasabay nito, 114 pa ang nawawala at 3,143 ang nasugatan. Mahigit isang milyong mamamayan ang apektado at halos 230,000 ang pangkagipitang inilikas.
Patuloy pa rin ang paghahanap at pagliligtas.
Habang inililipat ng mga tagapagligtas ang isang biktima
Ayon sa Departamento ng Kalusugan ng Yunnan, ang mataas na temperatura at kakulangan sa gamot ang mga elementong nagpapahirap sa pagpigil sa epidemya pagkaraan ng kalamidad.
Nangolekta ang nasabing departamento ng 14 na water sample sa mga nilindol na lugar at ipinakikita nito ang mataas na panganib ng pagkalat ng enteric infectious disease.
Residenteng nakaranas ng heatstrok habang sinusugod ng mga tagapagligtas sa ospital
Alas-4:30 ng hapon noong ika-3 ng Agosto, niyanig ng 6.5 magnitude na lindol ang Ludian. Ang epicenter nito ay labing-dalawang (12) kilometro ang lalim at matatagpuan din sa naturang lokalidad. Ito ang pinakamalakas na lindol na yumanig sa Yunnan, nitong 14 na taong nakalipas.
Salin: Jade
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |