Nakipagtagpo kahapon sa Beijing si Pangulong Xi Jinping ng Tsina kay Susan Rice, National Security Advisor ng Amerika.
Sa kanilang pagtagpo, inulit nila ang kahalagahan ng kooperasyon ng Tsina at Amerika at sinang-ayunan din ang pagpapasulong ng bilateral na relasyon sa pamamagitan ng matapat na diyalogo, pagpapalalim ng pagtitiwalaan, at pagkontrol ng mga hidwaan.
Kaugnay ng bilateral na kooperasyon, sinabi ni Pangulong Xi na malawak ang komong kapakanan ng dalawang bansa. Dapat palalimin ng dalawang bansa ang mga kooperasyon sa mga larangan na gaya ng kabuhayan, negosyo, pinansiya, imprastruktura, seguridad at kultura.
Sinabi naman ni Rice na nakahanda ang kanyang bansa na pahigpitin ang kooperasyon sa Tsina sa mga larangan na gaya ng pagpapalagayang pansibilyan, kabuhayan, at kalakalan.
Kapwa nilang ipinahayag na nakahanda ang dalawang bansa na isagawa ang pag-uugnayan at pagkokoordinahan sa mga isyung panrehiyon at pandagidig.
Sa Informal APEC Economic Leaders' Meetings (IAELM ) na idaraos sa Tsina sa susunod na buwan, mag-uusap sina Pangulong Xi Jinping ng Tsina at kanyang counterpart na si Barack Obama mula sa Amerika, hinggil sa bilateral na relasyon at kooperasyon ng dalawang bansa.
