Nakipagtagpo kahapon sa Beijing si Yang Jiechi, Kasangguni ng Estado ng Tsina, kay Sam Kutesa, Pangulo ng Ika-69 na United Nations General Assembly (UNGA).
Sa pagtatagpo, ipinahayag ni Yang ang pag-asa ng panig Tsino na magkakasamang magsikap ang komunidad ng daigdig, para pasulungin ang pagtatamo ng bunga ng serye ng mga pulong ng UN na idaraos sa susunod na buwan. Dagdag niya, ang mga pulong na ito ay naglalayong pangalagaan ang pandaigdig na kapayapaan, at pasulungin ang komong kaunlaran.
Pinasalamatan naman ni Kutesa ang Tsina sa pagkatig sa mga gawain ng UN. Nakahanda aniya ang UN, kasama ng Tsina, na pahigpitin ang kooperasyon, para magsagawa ng malakas na aksyon sa pagbalangkas ng Post-2015 Development Agenda at pagharap sa pagbabago ng klima.
Salin: Liu Kai