Sa regular na pulong ng Konseho ng Estado, Gabinete ng Tsina, muling inutos ni Premyer Li Keqiang sa lahat ng mga may-kinalamang departamento na buong-sikap na hawakan ang mga sumusunod na isyu pagkaraan ng malalakas na pagsabog sa Tianjin, siyudad sa baybaying-dagat sa dakong hilga ng Tsina.
Ani Li, una, dapat patuloy na hanapin ang mga nawawalang tao at gamutin ang mga sugatan.
Ikalawa, kailangang maayos na hawakan ang mga nakakalasong kemikal at pahigpitin ang pagmomonitor sa kalidad ng lupa, tubig at hangin.
Ikatlo, buong-sikap na pangalagaan ang dignidad ng mga nasawi, alalahanin ang kamag-anakan ng mga nasawi at bigyan ng makatwirang kompensasyon ang mga apektadong mamamayan.
Ikalima, sinabi pa ni Li na dapat tumpak na ayusin ang pamumuhay ng mga apektadong mamamayan na kinabibilangan ng pagpasok sa trabaho ng mga trabahador at pagpasok sa kindergarten at paaralan ng mga bata.
Ikaanim, lagumin ang aral sa insidenteng ito at buong-sikap na tiyakin ang workplace safety.
Noong gabi ng ika-12 ng buwang ito, dalawang malakas na pagsabog sa imbakan ng mga delikadong kemikal na kinabibilangan ng humigit-kumulang 700 toneladang sodium cyanide ang yumanig sa Tianjin, port city sa dakong hilaga ng Tsina.
Sandaa't labing-apat (114) katao ang namatay, at 69 na iba pa ang nawawala.
Samantala, 648 ang ginagamot pa rin sa ospital at 53 sa mga ito ang nasa malubhang kalagayan.
Inaalis ng mga rescuer ang mga nasirang imported car malapit sa sentro ng pagsabog. Larawang kinunan noong Aug. 20, 2015. (Xinhua/Yin Dongxun)
Tagapagsalin/editor: Jade
Tagapagpulido: Rhio
