Hinggil sa CRIHinggil sa Serbisyo Filipino
   

Bilateral talks ng Tsina at Pilipinas, hindi dapat suspendihin — ekspertong Tsino

(GMT+08:00) 2016-07-19 16:42:31       CRI

Sa Singapore (Xinhua) — Ipinahayag Martes, Hulyo 19, 2016, ni Zhao Qizheng, Dean ng School of Journalism and Communication ng Renmin University ng Tsina, na pawang umaasa ang iba't-ibang panig na mapapanumbalik muli ng Tsina at Pilipinas ang bilateral na talastasan. Kung isasagawa ng dalawang bansa ang negosyasyon, puwedeng umpisahan mula isyung madaling malulutas, aniya. Ngunit, hindi dapat suspendihin ang ganitong talastasan, dagdag pa niya.

Ipininid sa Singapore Lunes, Hulyo 18, 2016, ang isang araw na "Think Tank Seminar on South China Sea and Regional Cooperation and Development." Sa preskong idinaos Martes, sinabi ni Zhao na may maraming komong kapakanan ang Tsina at Pilipinas, siyempre, umiiral din ang kontradiksyon at hidwaan sa pagitan ng dalawang bansa. Aniya, ilampung taon nang tumagal ang hidwaan ng Tsina at Pilipinas sa isyu ng South China Sea, at mahirap na lutasin ang isyung ito sa loob ng maikling panahon. Sa kasalukuyan, ang pinakamainam na paraan ay mag-umpisa sa isyung madaling malulutas, dagdag pa ni Zhao.

Ipinahayag din ni Li Guoqiang, Pangalawang Direktor ng Institute of Chinese Borderland Studies ng Chinese Academy of Social Sciences, na nananatiling bukas ang pintong diplomatiko ng Tsina para malutas ang isyu ng South China Sea. Palagian aniyang winiwelkam ng Tsina ang mapayapang kalutasan sa isyung ito sa pamamagitan ng pakikipagdiyalogo at pakikipagsanggunian sa mga may-kinalamang bansa.

Ayon sa mediang Pilipino, ipinahayag na ni Pangulong Rodrigo Duterte ng Pilipinas na ipapadala ang espesyal na sugo sa Tsina para maisagawa ang pakikipagtalastasan sa Tsina tungkol sa isyu ng South China Sea. Kaugnay nito, ipinahayag ni Li Guoqiang ang pag-asang mananangan ang dalawang bansa ng posisyon ng paggagalangan sa isa't-isa at magkakasamang negosyasyon para mapanumbalik sa paraang diplomatiko ang paglutas sa nasabing isyu.

Salin: Li Feng

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>