Natapos kahapon, Biyernes, ika-8 ng Pebrero 2019, sa Manila, ang Ika-12 "China In Your Classroom" Quiz Bee Competition, sa magkakasamang pagtataguyod ng Philippine Chinese Education Research Center, Department of Education-National Capital Region, Embahada ng Tsina sa Pilipinas, Federation of Filipino-Chinese Associations of the Philippines, at iba pang organo.
Sa semi-finals at finals ng kompetisyon na idinaos nang araw ring iyon, nagwagi ang koponan ng Manila Science High School. Bilang gantimpala, bibisita sa Shanghai, Tsina, ang mga estudyante ng paaralang ito.
Kalahok sa Ika-12 "China In Your Classroom" Quiz Bee Competition ang 1600 estudyante mula sa 16 na mataas na paaralan sa Metro Manila. Ang preliminary ay idinaos noong ika-8 ng Disyembre 2018.
Ulat/Larawan: Sissi
Salin: Liu Kai