Hinggil sa CRIHinggil sa Serbisyo Filipino
   

Chinese New Year, ipinagdiriwang sa UP Diliman

(GMT+08:00) 2019-02-07 19:19:49       CRI

Nitong Miyerkules, Pebrero 6, ikalawang araw ng Chinese New Year, pinasinayaan sa University of the Philippines (UP) Diliman ang tatlong araw na selebrasyon ng pinakamahalagang kapistahan sa kulturang Tsino.

Sa pasinaya, binati ni Michael Lim Tan, Chancellor ng UP Diliman ang mga panauhin at estudyante ng maligayang Chinese New Year sa wikang Filipino, Tsino, Hokkien at Ingles. Ani Tan, bunga ng daan-daang pagpapalitan ng mga Pilipino at Tsino, ang mga elementong Tsino ay nakakaimpluwensya sa kaugalian at pagkaing Pilipino. Hinimok din niya ang mga mag-aaral ng UP na magbukas ng isip para makilala ang iba't ibang kultura.

Ang selebrasyon na may temang One Belt, One Road, One Heritage, ay nasa pagtataguyod ng UP Diliman Confucius Institute. Ayon naman kay Lourdes T. Nepomuceno, Direktor ng UP Diliman Confucius Institute na ang pagdiriwang ay nagtatampok ng Tai Chi, sayaw ng dragon at leon, awitin, sayaw, paggawa ng dumpling, pagpipinta ng maskara ng Peking Opera, kaligrapiya, tea ceremony, at paggupit ng papel. Kasabay nito, mayroon ding mga lektura hinggil sa tradisyonal na medisina Tsino at Pilipino, kaligrapiya ng Tsina at Pilipinas, at paggawa ng parol ng Tsina at Pilipinas.

Ito ang ika-apat na taunang selebrasyon ng Chinese New Year ng UP Diliman Confucius Institute.

Ang Confucius Institute sa UP Diliman na magkasamang itinatag ng UP at Xiamen University noong 2015 ay ika-apat na Confucius Institute sa Pilipinas. Nauna rito, itinatag ang mga Confucius Institute sa Ateneo De Manila University, Angeles University Foundation, at Bulacan State University.

Huang Jiajia (sa dulong kaliwa), Co-Direktor ng UP Diliman Confucius Institute; Lourdes T. Nepomuceno (ika-2 sa kaliwa), Direktor ng UP Diliman Confucius Institute; Michael Lim Tan (ika-3 sa kaliwa), Chancellor ng UP Diliman; at asawa ni Huang Jiajia

Mga hangarin ng mga estudyante sa Chinese New Year

Tea Ceremony

Ulat/Larawan: Sissi
Salin:Jade
Pulido: Mac

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>