Mga ahensya ng pamahalaan, suportado ang paglilipat ng mga naninirahan sa mga mapanganib na lugar
NAGKAKAISA ang mga tanggapan ng pamahalaang may kinalaman sa pabahay sa pagbibigay ng kaukulang pabahay sa mga informal settler families na nasa mapapanganib na pook sa ilalim ng P 50 bilyong housing fund na sinangayunan ni Pangulong Benigno Simeon C. Aquino III.
Ipinaliwanag ni National Housing Authority General Manager Chito M. Cruz na ang mga panukala mula sa civil society organizations ay pinag-aralan ng mga nasa pamahalaan at mangangailangan pa ng iba't ibang mga dokumento.
Ayon kay G. Cruz, ang ilan sa mga panukala ay tinanggap sapagkat ang mga panukalang pook para sa relocation ay on-site na nangangahulugang nasa mapanganib na pook kungdi man ay hindi inialok na ipagbili ng mga may-ari.
Sa kabilang dako, sinabi ni Secretary General Cecilia S. Alba ng Housing and Urban Development Coordinating Council na ang tatlong housing agencies, mula sa HUDCC, National Housing Authority at Social Housing Finance Corporation ay bahagi ng inter-agency Technical Working Group na binuo upang pangasiwaan ang housing program para sa mararalitang taga-lunsod.
Ang Department of Interior and Local Government ang siyang nangangasiwa sa technical working group.
Ani Bb. Alba, ang Joint Memorandum Circular ay ipinarating na rin sa iba't ibang ahensya ng pamahalaan. Bago pa man dumating ang circular, nagkasundo na ang HUDCC, DILG at NHA na magkaroon ng supplemental memorandum circular na nagpapaliwanag ng guidelines at kung paano ito maipatutupad. Nagpalabas na ang pamahalaan ng P 20 bilyon sa National Housing Authority.
Sinabi naman ni Pangalawang Pangulong Jejomar C. Binay na mayroong 4,842 units sa off city resettlement projects na handa ng tirhan ng mg maralitang tagalungsod samantalang may 3,513 pa ang ginagawa at matatapos bago magwakas ang taong 2013.
1 2 3 4 5 6
