|
||||||||
|
||
Mga nagsilikas mula sa mga tahanan at barangay higit na sa 100 libo
UMABOT na sa bilang na 109,386 ang mga nagsilikas mula sa kanilang mga tahanan sa kaguluhang nagaganap sa Zamboanga City, ayon kay Dr. Grace Rebollos ng Peace Advocates Zamboanga (PAZ).
Umabot na rin sa P 763 milyon ang nawalang salapi sa lungsod dahil sa kaguluhan. P68 milyon sa retail at merchandising, P 64 milyon sa services at mayroong P 634 milyon ang nawala sa larangan ng manufacturing. Ipinaliwanag ni Dr. Rebollos na ang datos sa mga kalakal na nawala ay mula mismo kay Mayor Beng Climaco. May impormasyong lumabas na aabot sa P 5 bilyon ang nawala sa lungsod.
Niliwanag ni Dr. Rebollos na kahit pa mayroon kang halos apat na bilyong piso upang isaayos ang lungsod, hindi na maibabalik pa ang buhay na nawala dahilan sa kapabayaan ng pamahalaan. Dapat sana'y naiwasan ang mga ito.
Sinabi naman ni Undersecretary Chito Gascon na kailangang kumilos ng pamahalaan sapagkat nanganganib na ang buhay ng mga mamamayan. Hindi umano angkop ang ginawa ng mga kaalyado ni Nur Misuari na naghasik ng lagim sa mga mamamayan.
Ikinalungkot din ni Dr. Rebollos ang pag-iikot ng isang Xavier Daniels na nagpakilalang kinatawan ng United Nations at nag-alok ng P 10,000 sa mga lalahok na kabataan mula sa Sulu sa gagawing pagpasok sa Zamboanga.
Itinanggi ng United Nations na may tauhan silang Xavier Daniels subalit sa impormasyon ni Dean Julkipli Wadi, nakikita si Daniels na umiikot sa Jolo na may mga kasamang kawal na Americano.
© China Radio International.CRI. All Rights Reserved. 16A Shijingshan Road, Beijing, China. 100040 |