Metro Manila Skyway Stage 3 pasado na sa Malacanang
MAGKAKAROON na ng solusyon ang problema sa trapiko sa pagpapasa ng Malacanang sa Metro Manila Skyway Stage 3 project na mag-uugnay sa South Luzon Expressway sa North Luzon Expressway. Magmumula ang salapi sa Citra Central Expressway Corporation sa halagang P 26.5 bilyon samantalang pangangasiwaan ng Department of Transportation and Communications at Toll Regulatory Board.
Magkakaroon ng pagluluwag sa Epifanio delos Santos Avenue at ilan pang mga lansangan tulad ng Quezon Avenue, Araneta Avenue, Nagtahan at Quirino areas. Mababawasan ang oras ng paglalakbay mula Buendia hanggang Balintawak mula sa higit sa dalawang oras ay magiging 15 minuto na lamang. Sinabi sa pag-aaral ng Japan International Cooperation Agency na mayroong P 2.4 ang economic at opportunity loss araw-araw dahil sa trapiko.
Ang skyway ay magkakaroon ng anim na linya at may habang 14.2 kilometro, mababawasan ang polusyon at magbibigay ng ibayong gaan at kaligtasan sa mga motorist at makakabawas sa paglalakbay, fuel at maintenance costs at makapagbibigay ng dagdag na 6,000 trabaho at 10,000 indirect jobs sa oras ng pagtatayo nito.
Tatagal ang pagpapagawa ng skyway ng may tatlong taon. Dalawampu't apat na oras ang trabahong magmumula sa buwan ng Abril, 2014.
1 2 3 4 5
