|
||||||||
|
||
Pangulong Aquino, dadalaw sa Korea
MAHAHALAGANG paksa ang pag-uusapan nina Pangulong Benigno Simeon C. Aquino III ng Pilipinas at Pangulong Park Geun-hye ng Republika ng Korea sa gagawing State Visit ni G. Aquino mula sa ika-17 hanggang ika-18 ng Oktubre.
Inanyayahan si Pangulong Aquino ng Pamahalaan ng Korea upang pag-usapan ang mga isyung may kinalaman sa politika, tanggulang pambansa, ekonomiya at development cooperation. Pag-uusapan din nila ang mga nagaganap sa rehiyon at sa daigdig.
Sa loob ng dalawang araw na pagdalaw, makakadaupang palad din ni Pangulong Aquino ang mga mangangalakal ng Korea upang isulong ang kalakalan at investments sa Pilipinas. Makakausap din niya ang mga Pilipino sa Seoul.
Nagsimula ang diplomatic relations ng dalawang bansa noong ikatlo ng Marso 1949. Sa naganap na digmaan sa Korea noong 1950, lumahok ang Philippine Expeditionary Forces to Korea sa koalisyon ng United Nations. Ito umano ang sandigan ng pagkakaibigan ng dalawang bansa.
Higit na gumanda ang relasyong pang-ekonomiya ng dalawang bansa. Nangunguna ang Republika ng Korea sa mga bansang kabakas sa kalakalan, investments at development cooperation. Higit na sa isang milyong Koreano ang dumalas sa Pilipinas noong 2012. Halos 25% ng mga banyagang dumalaw sa Pilipinas ay mga Koreano.
© China Radio International.CRI. All Rights Reserved. 16A Shijingshan Road, Beijing, China. 100040 |