Mga mamamahayag, nagbabantay ng mga magaganap
NAKATUTOK sa himpilan ng Radio Mindanao Network sa Maynila ng mga mamamahayag lalo't nag-aabang ng mga balita hinggil sa sinabing pamumugot ng Abu Sayyaf sa isa sa dalawang hostages ngayong araw na ito.
Unang ibinalita ng RMN-Zamboanga na hanggang ika-lima ng hapon ngayon ang kanilang deadline upang makaipon ng P 250 milyon at pagbawi ng suporta sa Alemanya at Estados Unidos na naglunsad ng pananalakay sa mga kasapi ng Islamic State ang pamahalaan ng Pilipinas.
Binanggit na mula sa isang nagngangalang Rami, tagapagsalita ng Abu Sayaf na papatayin nila ang isa sa dalawang Aleman na kinilala sa pangalang Viktor Stefan Okonek, 71 taong gulang. Si Okonek at isang Herite Dieter, 55 taong gulang ang nakubkob ng Abu Sayyaf samantalang naglalayag patungong Sabah mula sa Palawan noong nakalipas na Abril. Itinatago umano ang mga biktima sa Sulu.
Handa ang pamahalaang maglunsad ng operasyon laban sa mga Abu Sayyaf sa oras na mabatid ang kanilang kinalalagyan.
1 2 3 4 5