Tanggulang Pambansa, handang masiyasat
HANDA ang Kagawaran ng Tanggupang Pambansa na humarap sa pagsisiyasat ng Senado sa likod ng mga balitang sa maling paraan nagastos ang salapi ng bayan.
Ayon kay Dr. Peter Paul Galvez, tagapagsalita ng kagawaran na bukas sila sa anumang pagtatanong. Isa itong pagkakataong magpaliwanag. Binanggit ng isang senador na isang pinagsanib na congressional oversight committee ang magsusuri sa mga balita na baka nga sa maling paraan ginastos ang ilan sa kanilang Quick Response Fund (QRF).
Idinagdag pa ni Dr. Galvez na handa silang magpaliwanag. Gagawin ang pagdinig ayon kay Senador Francis Escudero sa ikatlong linggo ng Enero upang alamin kung ano ang mga ginawa ng mga ahensya sa oras ng kalamidad. Lumabas ang balita na 2% lamang ng buong halaga o P 6.65 milyon ang nagastos para sa relief commodities na ginamit ng mga biktima ng bagyong "Yolanda".
1 2 3 4 5