Senador Grace Poe, tatakbo sa Panguluhan
INIAALAY ni Senador Grace Poe ang sarili bilang kandidato sa pagkapangulo ng bansa.
Sa kanyang 24 na minutong talumpati sa UP Bahay ng Alumni, sinabi ng senadora na na prayoridad niya sa kanyang pamahalaan ang pagbabawas ng paghihirap ng mga mamamayan mula sa kakulangan ng hanapbuhay, proteksyon at pagkakataong kumita ng maayos.
Bibigyang pansin umano ang edukasyon, pagsasaka, pagawaing-bayan, paglaban sa korupsyon, mas mababang singil sa kuryente at paglaban sa krimen at droga.
Nangako rin siyang ipagpapatuloy ang peace talks sa lahat ng lumalaban sa pamahalaan, pagbibigay ng kaukulang tulong sa mga Overseas Filipino Workers at pakikipag-usap sa iba't ibang bansa hinggil sa isyu ng West Philippine Sea o South China Sea. Nais din niyang palakasin ang Philippine Coast Guard at ang Armed Forces of the Philippines.
Walang binanggit ang senadora kung anong partido ang kanyang dadalhin sa halalan. Bukas, inaasahang magdedeklara si Senador Francis Escudero ng kanyang pagtakbo sa pagka-bise presidente ni Grace Poe.
1 2 3 4 5 6